ГИ УНАПРЕДУВАМЕ ИЗВОЗНИТЕ УСЛУГИ

TTA-TC претставува значителен дел од компаниите кои работат во текстилната индустрија во Р.С.М. текстилниот кластер ја поттикнува комуникација помеѓу своите членки и придонесува за создавање на поволни услови за развој на индустријата поддржувајќи ги компаниите во подобрувањето на нивните конкурентски позиции преку следење на светските трендови на глобалниот пазар. ТТА-ТC ги застапува интересите на своите членки пред Владата на Р.С.М, релевантните институции, но и пред национални и меѓународни организации  и агенции. Активностите на текстилниот кластер вклучуваат остварување билатерални контакти со европски и светски асоцијации и кластери од текстилната индустрија со цел размена на искуства, идентификување на партнери заинтересирани за производство и инвестиции во Северна Македонија како и поддршка на членките во нивните активности за промоција на извозот. 

Националната асоцијација за дојдовен туризам во Македонија е организација во која членуваат соодветни чинители на дојдовниот туризам во Република Северна Македонија. Туристички оператори, хотели, ресторани, винарии, превозници и туристички водачи заедно ги здружуваат своите напори со цел да го зголемат бројот на квалитетни производи и услуги во туризмот во земјава. NAITM е организација која ги поддржува своите членки и е ориентирана кон поврзување на компаниите и нивно обединување околу заеднички цели, промоција на членките, овозможување на едукативни услуги за членките со цел тие да ги подобрат деловните стандарди кои се однесуваат на бизнисот и окружувањето. NAITM понатаму ги претставува членките пред институциите и предлага законски решенија а исто така промовира и вработувања во туризмот како интересен сектор за вработување на младите категории на граѓани. 

Стопанската комора на Македонија (СКМ) е деловна, професионална организација која ги претставува, заштитува и координира интересите на своите членки. СКМ овозможува различни услуги кои се дел од оперативното портфолио на комората: издавање на деловна документација како што се сертификати за потекло, АТА карнети, препораки, мислења и поддршка со документација која се однесува на движењето на добра, услуги и лица. СКМ исто така делува и како социјален партнер на бизнисите, претставувајќи ги нивните интереси од доменот на работното право, меѓународната трговија, даночниот и царинскиот систем, финансискиот систем и едукацијата. СКМ посветува особено внимание на процесите кои се однесуваат на квалитетот на производството и воведувањето на стандарди од серијата ISO 9000, стандарди за заштита на животната средина ISO 14 000, HACCP стандардот и други. 

Агенцијата за промоција и поддршка на туризмот во Република Северна Македонија е институција формирана од Владата на Република Северна Македонија во 2008 година. Работата на Агенцијата е во доменот на промоција на туристичкиот потенцијал на Република Северна Македонија на меѓунароните пазари (или т.н емитивни пазари - земји чии граѓани се потенцијални туристи во земјава), генерирање промотивен материјал, организирање информативни тури за странски тур оператори и новинари, организирање и учество на меѓународни саеми за туризам но исто така и менаџирање на проекти за поддршка и соработка со локалните самоуправи со цел развој на туризмот во земјава.